اسلام آباد سپریم کورٹ نے مارگلہ ہلز میں غیر قانونی تعمیرات قائم ہونے پر سی ڈی اے سے رپورٹ طلب کرلی ہے۔

سپریم کورٹ کے آئینی بینچ نے مارگلہ ہلز پر غیر قانونی تعمیرات کے حوالے سے کیس کی سماعت کی سماعت کے دوران سی ڈی اے وکیل اور ڈی جی ماحولیات عدالت میں پیش ہوئے۔

اس موقع پر موجود مونال ریسٹورنٹ کے وکیل نے کہا کہ سپریم کورٹ آئینی بینچ کے حکم پر ہمارے ریسٹورینٹ کو گرا دیا گیا ہے مگر مارگلہ ہلز میں ابھی 134 کے قریب ہوٹل ریسٹورینٹس اور کھوکھے ایسے ہی قائم ہیں، اس پر جسٹس جمال مندوخیل نے کہا کہ مارگلہ ہلز پروٹیکٹڈ ایریا ہے اس لیے وہاں ہر قسم کی تعمیرات کو غیر قانونی قرار دیا گیا ہے۔

مونال ریسٹورنٹ گرانے کے سپریم کورٹ فیصلے کے باوجود بھی سول جج نے اسٹے دے دیاتھا جس پر جج معطل ہو گیا
سپریم کورٹ نے مونال ریسٹورنٹ کیس کا تفصیلی فیصلہ جاری کردیا
جسٹس مظہر نے سوال کیا ابھی کتنی غیر قانونی تعمیرات مارگلہ ہلز میں قائم ہیں؟ اس پر وکیل میونسپل کارپوریش نے کہا کہ مارگلہ ہلز پر 80 سے 132 تعمیرات ابھی باقی ہیں جب کہ مارگلہ ہلز نیشنل پارک میں اسلام آباد کلب بھی شامل ہے۔

اس موقع پر جسٹس نعیم کا کہنا تھا کہ 1960 کے ماسٹرپلان میں سپریم کورٹ بھی مارگلہ نیشنل پارک کی حدود میں ہی تعمیر ہوا، سی ڈی اے پہلے مونال کے اطراف میں موجود غیر قانونی تعمیرات کو دیکھ لے۔

جسٹس جمال مندوخیل نے سوال کیا کہ کیا سپریم کورٹ کا فیصلہ صرف مونال کےلیےبہی تھا؟ عدالت نےمارگلہ ہلز میں تعمیرات سے متعلق اصول وضع کردیا ہے، سی ڈی اے اپنا کام کیوں نہیں کرتا؟ جسٹس مسرت کا کہنا تھا کہ سی ڈی اے عدالتی احکامات کی خلاف ورزی کیوں کر رہا ہے؟

ڈی جی ماحولیات نے عدالت کو یہ بھی بتایا کہ مارگلہ ہلز میں ابھی 50 سے زاہد کھوکھے چل رہے ہیں جو مارگلہ ہلز میں ماحولیاتی مسائل کا باعث بن رہے ہیں، عدالتی احکامات میں کھوکھوں کو گرانے سے روکا گیا تھا۔

بعد ازاں آئینی بینچ نے سی ڈی اے سے مارگلہ ہلز میں غیر قانونی تعمیرات پر رپورٹ بھی طلب کرلی۔

پاک بحریہ کا جہاز پی این ایس معاون انسانی ہمدردی کے مشن کی تکمیل کے حوالے سے افریقہ کے دورے پر ہے

پاک بحریہ نے جذبہ خیر سگالی کے فروغ کے لیے کینیا میں میڈیکل کیمپ کا انعقاد کیا

میڈیکل کیمپ میں کینیا کی عوام کو مفت علاج، آپریشنز اور مفت ادویات فراہم کی جائیں گی

کینیا کی عوام نے پاک بحریہ کی جانب سے میڈیکل کیمپ کے انعقاد کو بڑے وسیع پیمانے پر سراہا اور پاکستان کو خراجِ تحسین پیش کیا ہے

قبل ازیں ممباسا بندرگاہ پہنچنے پر کینیا کے اعلی سول و عسکری اور پاکستانی سفارتی حکام نے پاک بحریہ کے جہاز کا پُرتپاک خیبر مقدم کیا کیا

کمانڈنگ آفیسر کی کینیا کے اعلی سول و عسکری حکام سے اہم ملاقاتوں کے دوران باہمی دلچسپی کے امور اور دو طرفہ بحری تعاون پر تبادلہ خیال بھی کیا گیا

کمانڈنگ آفیسر نے چیف آف دی نیول اسٹاف ایڈمرل نوید اشرف کی طرف سے کینیا کی عوام اور بحریہ کیلئے خیرسگالی کا پیغام بھی دیا

اس دورے کا مقصد انسانی ہمدردی کے جذبے کو اجاگر کرنے کے علاوہ دوطرفہ بحری تعاون کا مزید استحکام اور پاکستان کے مثبت تاثر کا فروغ بھی ہے