وزیر خزانہ محمد اورنگزیب نے ہول سیل اور ریٹیل سیکٹرز کو ٹیکس نیٹ میں لانے کی ضرورت پر زور دیتے ہوئے اس عمل میں چھوٹے تاجروں کو ہر ممکن سہولت فراہم کرنے کی یقین دہانی کرائی ہے۔

یہ بات انہوں نے وزارت خزانہ محمد اورنگزیب میں تجارتی نمائندوں کے ساتھ منعقدہ ایک اجلاس کے دوران کہی ۔ ملاقات کے دوران انہوں نے ٹیکس اصلاحات اور باضابطہ ٹیکس نیٹ ورک میں کاروباری انضمام کے بارے میں بات چیت کی۔
اجلاس میں وفاقی وزیر رانا ثناء اللہ، وزیر مملکت علی پرویز اور چیئرمین ایف بی آر راشد لنگڑیال نے بھی شرکت کی۔ سپریم کونسل آل پاکستان ٹریڈرز ایسوسی ایشن کے چیئرمین نعیم میر نے لاہور سے ویڈیو لنک کے ذریعے اجلاس میں شریک ہوئے۔اس موقع پر وزیر خزانہ محمد اورنگزیب نے ہول سیل اور ریٹیل شعبوں کو ٹیکس نیٹ میں لانے پر زور دیا اور کہا کہ ملک کو بہتر طریقے سے چلانے کے لیے ہر ایک کو ٹیکسز میں اپنا حصہ ڈالنا ہوگا۔ انہوں نے یہ بھی یقین دلایا کہ اس عمل میں چھوٹے تاجروں کو ہر ممکن سہولت بھی فراہم کی جائے گی۔

اجلاس کے دوران نعیم میر نے ایف بی آر کے وژن کی تعریف کرتے ہوئے بذریعہ ڈیٹا اینالیٹکس اور مصنوعی ذہانت کے ٹیکس چوری کی روک تھام کے لیے ایف بی آر کے جدید نقطہ نظر پر روشنی ڈالی گئی۔ انہوں نے کہا کہ یہ جدید حکمت عملی وزیراعظم شہباز شریف کے ایف بی آر کے آپریشنز کو ڈیجیٹلائز کرنے کے وژن سے بہت مطابقت رکھتی ہے جو کہ روایتی طریقوں سے ہٹ کر ہے۔

کاروباری نمائندوں نے حکومت کے ساتھ مکمل تعاون کے عزم کا اظہار بھی کیا اور ٹیکس نیٹ ورک کو وسعت دینے کی کوششوں کی حمایت کا وعدہ بھی کیا۔

وفاقی وزیر خزانہ محمد اورنگزیب کا کہنا ہے کہ ہم آئی ایم ایف پروگرام پر عمل درآمد کرنے کے لیے ہر طرح سے پرعزم ہیں
اسلام آباد میں منعقد تقریب سے خطاب کرتے ہوئے وفاقی وزیر خزانہ محمد اورنگزیب نے کہا کہ معاشی اصلاحات کا عمل جاری رکھا جائے گا کرنٹ اکاؤنٹ خسارے میں بھی کافی کمی آئی ہے ملکی معیشت بہتری کی طرف گامزن ہے
انہوں نے کہا کہ مہنگائی کی شرح 70 ماہ کی کم ترین سطح پر پہنچ چکی ہے اور معاشی استحکام کی بنیادوں کو مزید مضبوطی اور استحکام فراہم کیا جا رہا ہے
ان کا کہنا تھا کہ حکومت نے نجی شعبے کو پالیسی گائیڈ لائن فراہم کرے گی نجی شعبے کا معیشت میں بہت اہم کردار ہے ہاؤسنگ شعبہ بھی معیشت میں نمایاں کردار ادا کر رہا ہے قبل ازیں اسی ماہ کے اندر اپنے ایک اور خطاب میں انہوں نے کہا تھا کہ پاکستان کے اندر مہنگائی ساڑھے چھ سال کی کمترین سطح پر آگئی ہے
وزارت خزانہ نے کہا کہ آئندہ آنے والے دنوں میں مالی صورتحال میں مزید استحکام واقع ہوگا
انہوں نے میکرو اکنامک اصلاحات کی کامیابی کے لیے حکومت کے مسلسل عزم پر زور دیا
قومی اسمبلی کی قائمہ کمیٹی برائے خزانہ کو حالیہ بریفنگ دیتے ہوئے وزیر خزانہ نے اس بات کا بھی اعادہ کیا کہ مضبوط و مستحکم میکرو اکنامک کے لیے آئی ایم ایف پروگرام پر عمل درآمد انتہائی ضروری ہے
آئی ایم ایف پروگرام کے نفاذ میں رکاوٹوں کا ذکر کرتے ہوئے انہوں نے کہا کہ کوئی بھی اور کسی بھی قسم کی قیاس آرائی کسی شخص کی ذاتی تو ہو سکتی ہے اس میں قابل اعتماد ثبوت نہیں
انہوں نے کہا کہ حکومت معاشی استحکام کو برقرار رکھنے اور آئی ایم ایف پروگرام کے تحت تمام ذمہ داریوں کو تندہی اور شفافیت کے ساتھ پورا کرنے کے لیے بھرپور توجہ رکھے ہوئے ہیں