پاکستان کرکٹ بورڈ نے ہفتہ کو ویسٹ انڈیز کے خلاف 17 سے 21 جنوری اور 25 سے 29 جنوری تک ملتان میں ہونے والے دو آئی سی سی ورلڈ ٹیسٹ چیمپئن شپ ٹیسٹ کے لیے 15 رکنی اسکواڈ کا اعلان کر دیا ہے۔
اسکواڈ میں جنوبی افریقہ کے دورے والی 15 رکنی ٹیسٹ ٹیم میں سات تبدیلیاں کی گئی ہیں۔ برقرار رہنے والے کھلاڑیوں میں شان مسعود (کپتان)، سعود شکیل (نائب کپتان)، بابر اعظم، کامران غلام، خرم شہزاد، محمد رضوان، نعمان علی اور سلمان علی آغا شامل ہیں۔
سپن ڈپارٹمنٹ کو مضبوط کرنے کے لیے آف اسپنر ساجد خان اور ابرار احمد کو لیفٹ آرم سپنر نعمان علی کے ساتھ شامل کیا گیا ہے۔ زخمی صائم ایوب اور آؤٹ آف فارم عبداللہ شفیق کی جگہ اوپنرز امام الحق اور محمد ہریرہ کو بھی واپس بلایا گیا ہے۔

عامر جمال، محمد عباس، میر حمزہ اور نسیم شاہ کو آرام دیا گیا ہے۔ ان کی جگہ سلیکٹرز نے خرم شہزاد کو برقرار رکھا ہے جبکہ محمد علی کو واپس بلایا گیا ہے اور ان کی جگہ کاشف علی کو شامل کیا گیا ہے۔
وکٹ کیپر بلے باز حسیب اللہ کی غیر موجودگی میں سابق پاکستان انڈر 19 اور شاہینز کے کپتان روحیل نذیر کو اسکواڈ میں شامل کیا گیا ہے۔
ویسٹ انڈیز ٹیسٹ سریز کے لیے پاکستانی اسکواڈ میں شان مسعود (کپتان)، سعود شکیل (نائب کپتان)، ابرار احمد، بابر اعظم، امام الحق، کامران غلام شامل ہیں۔

ویسٹ انڈیز کا ٹیسٹ اسکواڈ پاکستان کے خلاف ٹیسٹ سیریز کے لیے اسلام آباد پہنچ گیا ہے۔

یہ اسکواڈ کپتان کریگ براتھ ویٹ کی قیادت میں فلائٹ ای کے 612 کے ذریعے دبئی سے اسلام آباد آیا۔

ایئرپورٹ پر پہنچنے کے فوراً بعد، ٹیم کو سخت سیکیورٹی کے ساتھ ہوٹل منتقل کیا گیا۔

ویسٹ انڈیز کی ٹیم پاکستان شاہینز کے خلاف 10 سے 12 جنوری تک اسلام آباد کلب میں پریکٹس میچ کھیلے گی۔

اس کے علاوہ، دونوں ٹیموں کے درمیان پہلا ٹیسٹ میچ 17 جنوری کو ملتان میں شروع ہوگا۔

دوسرا ٹیسٹ میچ اسی مقام پر 25 جنوری سے کھیلا جائے گا۔